Þrír eru nú í haldi Lögreglunnar á höfuðborgarsvæðinu eftir að það sem í tilkynningu er kallað „grunsamlegur hlutur“ fannst í ruslagámi í Mánatúni á fjórða tímanum í nótt. Að sögn lögreglu var kallað til sérsveitar ríkislögreglustjóra vegna málsins en rannsókn er á frumstigi og lögregla segir ekki hægt að veita frekari upplýsingar að svo búnu.
Tilkynning lögreglu hljóðaði svo:
„Þrír eru í haldi Lögreglunnar á höfuðborgarsvæðinu eftir að grunsamlegur hlutur fannst í ruslagámi í Mánatúni í Reykjavík á fjórða tímanum í nótt. Sérsveit ríkislögreglustjóra var kölluð til aðstoðar vegna málsins.
Rannsókn málsins er á frumstigi og ekki er hægt að veita frekari upplýsingar að svo stöddu.“
