ÁTVR auglýsti í síðasta mánuði eftir nýju verslunarplássi fyrir nýja verslun í miðborg Reykjavíkur með það fyrir augunum að loka vínbúðinni á Austurstræti.
Nokkrar staðsetningar komu til greina, þeirra á meðal Kirkjusandur, Grandi, Hallveigarstígur og JL-húsið á Hringbraut. Meðal þeirra skilyrða sem sett voru fram í útboðslýsingu var að næg bílastæði væru til boða fyrir viðskiptavini og starfsfólk.
ÁTVR greindi svo frá því í dag að húsnæði á Fiskislóð á Granda hafi verið það eina sem stóðst kröfur ríkisfyrirtækisins og því stæði til að ganga til samninga við eigendur húsnæðisins þar.
Þessi áform hafa ekki lagst vel í landsmenn sem benda á að Fiskislóð verði seint kölluð miðsvæðis í miðborginni.
Fyrrum borgarfulltrúinn Sigurborg Ósk Haraldsdóttir gerði könnun meðal Íslendinga á Twitter fyrir rúmri viku um hvaða staðsetning væri ákjósanlegust. Samkvæmt niðurstöðum könnunarinnar vildi fólk síður en svo fá vínbúðina út á Granda.
Guess what. Vínbúðin mun flytjast út á Granda. Þar sem nánast enginn vill fá hana. Djöfull er ríkið lélegt í að stuðla að breyttum ferðavenjum. pic.twitter.com/NpjuHArtl1
— Sigurborg Ósk Haraldsdóttir (@SigurborgOsk) November 26, 2021
Hins vegar er rétt að minnast þess að tilgangur ÁTVR frá upphafi var sá að takmarka aðgengi Íslendinga að áfengi og á þeirri hugmynd að það væri best fyrir samfélagið að sem minnst seljist af áfengi og neysla sé í hófi.
Ívar J. Arndal, forstjóri ÁTVR, skrifar í formála bókarinnar Engin venjuleg verslun:
„Íslendingar sem á sínum tíma voru í verulegum vandræðum með að höndla neyslu áfengis, hafa náð miklum árangri með aðhaldssamri áfengisstefnu. Áfengisneysla á Íslandi er með því minnsta sem þekkist í hinum vestræna heimi. Eftir því er tekið í samfélagi þjóðanna.“
Engu að síður virðast Íslendingar ekki sáttir með áætlanir um að færa vínbúðina á Austurstræti út á Granda. Það henti illa bíllausum lífsstíl, en það séu einmitt helst miðbæjarbúar sem séu bíllausir.
Ég sendi sko kvörtunarbréf á vinbudin@vinbudin.is
— Fríða Ísberg (@freezeberg) November 26, 2021
Jæja, þá er ég (bíllaus maður sem býr í miðbænum og vinnur í Borgartúni) bara hættur að drekka. Lýðheilsuhlutverkið greinilega tekið alvarlega hjá ÁTVR!https://t.co/V8L6vthrPC
— Pétur M. Urbancic (@PeturMarteinn) November 26, 2021
SVona lítur 2 km radíus frá Hallgrímskirkju út. Í stað þess að fólkið sem er í miðjunni þarna þurfi að ganga kílómeter þá þarf það að ganga tvo, því ÁTVR verður bara á jaðri þessa hrings. Frábært fyrir borg sem er að reyna að byggja upp bíllausan lífstíl sem raunverulegan valkost pic.twitter.com/k0Uhs0u4MW
— Ásta Helgadóttir (@asta_fish) November 26, 2021
Nú verður engin Vínbúð í göngufæri fyrir um 40 þúsund Reykvíkinga. Kaldhæðnislega sömu 40 þúsund Reykvíkinga sem labba og hjóla mest samkvæmt ferðavenjukönnunum. Endilega, fjölgum bílferðum og blöndum líka saman akstri og áfengi. Það gefst alltaf vel. 👏
— Björn Teitsson (@bjornteits) November 26, 2021
Aðrir hafa bent á að Grandinn sé fremur iðnaðarsvæði heldur en raunverulegur hluti miðborgarlífsins og hafa menn jafnvel velt fyrir sér, þar sem ÁTVR er í eigu ríkisins, hvort ætlunin sé að liðka fyrir einkarekstri í áfengissölu. Eins hefur verið bent á að þetta komi sér illa fyrir ferðamenn sem þurfi þá að fara alla leið á Granda til að kaupa sér kippu af bjór.
Svo eru þeir sem neita að viðurkenna Granda sem hluta af miðborginni. Örvæntingarfullir miðborgarbúar hafa stungið upp á því í dag að ríkisstjórnin, eða borgarstjórn, grípi inn í þetta ástand og komi í veg fyrir þessa framkvæmd, jú eða samþykki að selja áfengi í matvöruverslunum.
Iðnaðarsvæði skilgreindur sem miðbær
Skipurit sem meikar minna en núll sens
Andlitslaus forstjóriÁTVR, what a concept. Loka þessu, takk og bless. pic.twitter.com/4XLeMyMa0k
— Konráð S. Guðjónsson (@konradgudjons) November 26, 2021
Það má ekki gleyma að fjármálaráðherra er æðsti yfirmaður ÁTVR (þó með armslengd á milli).
Og ákvörðunin sem ÁTVR er að taka um Vínbúðina í miðbænum er í fullu samræmi við stefnu fjármálaráðherrans; að gera opinbera þjónustu svo lélega að það verður eiginlega að einkavæða hana.— Ásþór Sævar Scheving Ásþórsson (@asthor_s) November 26, 2021
útlendingar í miðbænum:
“where can I legally buy wine or beer to bring to my hotel room/airbnb”við: 🤷🏼♂️
það eru löngu kominn tími til að leggja stofnun niður sem áður var rekin í forvarnarskyni en er nú rekin eins og Hagkaup https://t.co/Lcy9hp1wwB
— Haukur Heiðar (@haukurh) November 26, 2021
Sjitt hvað fullorðið fólk er brjálað yfir að ÁTVR sé að fara á grandann. Hafiðið kannski pælt að heyra í skutlara eða?🙄
— Jón Bjarni🇵🇸 (@jonbjarni14) November 26, 2021
Enn ein einkavæðingartilraunin hjá Sjálfstæðisflokknum, hafa lengi fjársvelt spítalann, og nú neyðist átvr til að fara úr miðbænum vegna fjárskorts! Allt til að geta einkavætt smásölu á áfengi!!
— Kristinn Þorri (@kthorri) November 26, 2021
En ÞaÐ eRu bílASTæðI á FiSkISlÓÐ 🤪
— Geir Finnsson (@geirfinns) November 26, 2021
Ef þú ert að tjilla á Hlemm og vilt rölta í ríkið þá verður styttra að fara í Kringluna en komandi vínbúð miðbæjarins á Fiskislóð…. (2.1 km vs 2.9 km)
— Liljar Þorbjörnsson (@liljarmar) November 26, 2021
Í hvaða heimi er Fiskislóð í miðbænum? Er hið opinbera í einhvejru átaki að styðja við landabrugg og skutlara? Ég er BRJÁLUÐ https://t.co/0rc1WVOQcM
— Kamilla Einarsdóttir (@Kamillae) November 26, 2021
Trúi ekki öðru en það verði meirihluti fyrir víni í búðir á þessu kjörtímabili https://t.co/buLiZyY9Im
— Katrín Atladóttir (@katrinat) November 26, 2021
Í hvaða hliðarheimi er Fiskislóð í miðbænum?https://t.co/MF0bBxqttd
— pallih (@pallih) November 26, 2021
ég er að senda kvörtunarbréf núna, hvet fleiri til þess að gera það https://t.co/kMog1DFH83
— bebbi (@Bergrun) November 26, 2021
þessi fyrirsögn er álíka rétt og „Vínbúðin búin að ákveða staðsetningu á Selfossi“ um búð í Hveragerðihttps://t.co/VXlQC5BU54
— Reyn Alpha (@haframjolk) November 26, 2021
https://t.co/JyUBk8fnoE Er ekkert apparat til sem hefur með hverfaskipulag og samgöngur að gera sem hefur skoðun á svona? Stjórn borgarinnar, borgarstjórn eða eitthvað slíkt? Væri sniðugt að hafa til að það gæti þá tjáð sig fyrir hönd borgarbúa áður en svona slys verða… 🙉🙈🙊
— Hildur Sverrisdóttir (@hildursverris) November 26, 2021
