Matvælastofnun fékk áhættumatsnefnd til að rannsaka hvort neysla orkudrykkja sem innihalda koffín, hafi neikvæð áhrif á heilsu ungmenna í framhaldsskólum.

Niðurstaða nefndarinnar var sú að neysla íslenskra ungmenna sé töluvert meiri en hjá öðrum löndum. Nefndin telur að þar spili framboð, aðgengi og markaðssetning drykkjanna hlutverk og stuðli að því að neysla íslenskra framhaldsskólanema sé meiri en æskilegt sé.

Matvælastofnun segir niðurstöður nefndarinnar gefa til kynna að takmarka þurfi aðgengi ungmenna að orkudrykkjum svo sem innan veggja skólans og á vegum íþróttahreyfinganna og minnka þannig neikvæð áhrif koffíns á heilsu þeirra.

Helstu niðurstöður nefndarinnar voru þær að neysla íslenskra ungmenna á koffíndrykkjum væri með því mesta sem þekkist í Evrópu og að meira en helmingur framhaldsskólanema neyti slíkra drykkja einu sinni í viku eða oftar. Sterk neikvæð fylgni sé milli neyslu slíkra drykkja og svefns og eins séu ungmenni yngri en átján ára að neita koffíns yfir öryggismörkum fyrir hjarta- og æðakerfi. Langtímaneysla geti valdið miklu álagi á hjarta- og æðakerfi.

Nánar má lesa um niðurstöður nefndarinnar hér