Héraðsdómur Reykjaness dæmdi mann í 14 ára fangelsi í dag fyrir að hafa orðið eiginkonu sinni að bana í marsmánuði árið 2020. Dómur í málinu hefur ekki verið birtur á vef dómstólanna en RÚV greinir frá.
Hinn sakfelldi er á sextugsaldri. Sambýliskona mannsins lést þann 28. mars síðastliðinn en í fyrstu var ekki talið að dauða hennar hefði borið að með saknæmum hætti. Rannsókn réttarmeinafræðings leiddi hins vegar í ljós að svo væri, en banamein konunnar var kyrking. Maðurinn var í kjölfarið handtekinn og úrskurðaður í gæsluvarðhald.
