Eldgos hófst um helgina á eyjunni La Palma sem tiheyrir Kanaríeyjum, en gos þar hafði verið yfirvofandi í nokkurn tíma. Eins og við var að búast er hraunið nú byrjað að flæða yfir íbúabyggð. Á samfélagsmiðlum hafa birst fjölmörg myndbönd af eldgosinu og má til að mynda sjá óhugnanleg myndbönd af hrauni að gleypa heilu húsin á eyjunni.
Yfirvöld fluttu lasburða fólk og búfénað frá byggðum næst gosinu áður en það hófst og var íbúum í grennd við gosið gert að fara í eina af fimm hjálparmiðstöðvum sem komið hefur verið upp á eyjunni.
Fólki er sagt að halda sig frá gossvæðinu og hafa hermenn verið kallaðir til hjálpar.
Á myndböndum frá La Palma má sjá hraun flæða yfir gangstéttir og í einu þeirra, sem sjá má hér fyrir neðan, má sjá hraunið byrja að gleypa hús.
YIKES #LaPalma #LaPalmaeruption #volcanoEruption pic.twitter.com/WEV40WFuhz
— Evan Kirstel the $B2B Techfluencer (@EvanKirstel) September 19, 2021
Í myndbandinu hér fyrir neðan má svo sjá svipmyndir af gosinu, hvernig kvikan skýst upp í loftið og hvernig hraunið flæðir yfir eyjuna.
A volcano on La Palma, one of Spain’s Canary Islands, erupted today, sending lava shooting into the air and flowing across the streets. 🌋 https://t.co/y0HJUHUwJ5 pic.twitter.com/QrF53488AO
— AccuWeather (@accuweather) September 19, 2021
Spænski fjölmiðillinn El País birti svokallað „timelapse“ myndband af upphafi eldgossins.
Así se ha visto la erupción del volcán de La Palma en un timelapse https://t.co/uZu4XFFL6L pic.twitter.com/P0gjWct9YA
— EL PAÍS (@el_pais) September 20, 2021
Hér fyrir neðan má sjá magnað myndband af hraunflæðinu. Nokkrir aðilar hafa birt umrætt myndband á samfélagsmiðlinum Twitter en upphaf þess má rekja til hermanns á eyjunni sem tók það upp.
Incredible footage of the lava flow from La Palma island's Volcano eruption, in Spain's Canary islands. pic.twitter.com/IIPbRW4ZvX
— Int3l_Gs (@Int3l_GS) September 20, 2021
Staðarmiðillinn Canarias7 birti svo óhugnanlegt myndband þar sem sjá hvernig hraunið umkringir heimili á eyjunni. „Slökkviliðsmenn gátu ekki komið í veg fyrir að hraunið eyðilagði þetta heimili á La Palma,“ segir með myndbandinu.
Þá kemur fram að hraunið hafi runnið tímunum saman niður brekkur sveitarfélagsins El Paso á La Palma og að hitastigið á því sé 1.075 gráður á selsíus.
