Það styttist í Verslunarmannahelgina og útihátíðirnar sem þá eiga að fara fram. Sú stærsta er Þjóðhátíð í Vestmannaeyjum þegar í kringum 15.000 manns heimsækja Vestmannaeyjar á ári hverju.
Tala smitaðra hefur verið á uppleið seinustu daga og hafa tæplega 100 greinst smitaðir seinustu tvo daga. Þessi mikla aukning hefur vakið landsmönnum mikinn óhug og margir óttast að Þórólfur taki í gikkinn og setji á samkomubann að nýju.
Til eru þónokkrir Facebook-hópar tileinkaðir Þjóðhátíð í Vestmannaeyjum en þessa dagana keppist fólk við að selja miða sína á hátíðina. Margir sem greinilega treysta sér ekki til að fara eða hafa ekki trú á því að hátíðin verði haldin.
Síðastliðinn sólarhring hefur færslum rignt inn í þessa hópa en einhverjir bjóða miðana sína á afslætti en flestir vilja fá það sama og þeir borguðu fyrir þá. Það er hefð fyrir því að þegar styttast fer í hátíðina fara margir að óska eftir miða til að komast í bátinn en bátsferðir til Vestmannaeyja eru oftast uppseldar á þessum tímapunkti.
Það verður spennandi að sjá hvað gerist en Þórólfur hefur sagt að fylgjast verði með álagi á heilbrigðiskerfinu. Í augnablikinu liggur aðeins einn inni á sjúkrahúsi með Covid-19. Sá aðili er á sjötugsaldri og er fullbólusettur.
Sjá einnig: Byrjað að blása útihátíðir af – Flúðir fyrstar að fjúka