Aðrar tölur í prófkjöri Sjálfstæðismanna í suðvesturkjördæmi voru tilkynntar rétt í þessu. Eftir fyrstu tölur leiddi Bjarni með 82% atkvæða í fyrsta sætið. Næst kom Jón Gunnarsson í öðru sæti.
Þar á eftir röðuðu þau Bryndís Haraldsdóttir, Óli Björn Kárason, Arnar Þór Jónsson og Sigþrúður Ármann.
Sjálfstæðisflokkurinn náði fjórum þingmönnum inn í kjördæminu í síðustu kosningum. Allir sitjandi þingmenn kjördæmisins röðuðu sér í efstu fjögur sætin, og var því ekki útlit fyrir mikla endurnýjun í fyrstu. Ekki hefur orðið breyting á því, en Jón Gunnarsson hefur færst niður í þriðja, og Bryndís upp.
Eftir aðrar tölur er listinn svo útlítandi þegar talin hafa verið 2.984 atkvæði.
1. Bjarni Benediktsson leiðir listann með 91% atkvæða. Eftir fyrstu tölur var Bjarni með 82%, svo hann hefur gefið hressilega í hér.
2. Bryndís Haraldsdóttir er komin upp í annað sætið og er þar með búin að stinga Jón Gunnarsson nokkuð örugglega af, en rúmlega 100 atkvæði munur er nú á þeim.
3. Jón Gunnarsson er í þriðja sæti með nokkuð mikla forystu á Óla Björn, sem hefur fest sig vel í sessi í fjórða sæti þó, en vegna röðun atkvæða er stutt í að Arnar Þór ýti honum niður. Keppnin um þriðja sætið er nú á milli Arnars og Jóns.
4. Óli Björn Kárason er nokkuð öruggur í fjórða sæti, sem er svo að segja öruggt þingsæti.
5. Arnar Þór Jónsson er aðeins 37 atkvæðum frá því að færa sig upp í 3. sætið
6. Sigþrúður Ármann er svo í sjötta sæti, en vegna atkvæðadreifingar á botninum er hún aðeins örfáum atkvæðum frá því að ýta Arnari Þór niður í sjötta sætið, takist honum ekki að snara þessi örfáu atkvæði sem hann þarf til þess að klifra upp í þriðja sætið.
