Landsréttur hefur nú vísað dómi kæru sóttvarnarlæknis um úrskurð Héraðsdóms um skyldudvöl í sóttkvíarhótelinu frá dómi. Þar sem kærunni var vísað frá dómi stendur úrskurður héraðsdóms óhaggaður. Fréttablaðið greinir frá frávísununni.

Fram kemur að skortur sé á lögvörðum hagsmunum í úrskurðinum þar sem fólkið sem kærði skyldudvölina í sóttkvíarhótelinu er ekki lengur í sóttkví. Niðurstaðan er afar áhugaverð í ljósi þess að Svandís Svavarsdóttir heilbrigðisráðherra og Katrín Jakobsdóttir forsætisráðherra sögðu báðar í gær að þau myndu bíða eftir úrskurði Landsréttar áður en ákvörðun yrði tekin um að breyta sóttvarnarlögum.

Ríkið var augljóslega ekki sátt við niðurstöðu Héraðsdóms og kærði það hana því til Landsréttar, áfrýjunardómstigs Íslendinga. Eftir að úrskurðurinn féll í gær tilkynnti heilbrigðisráðuneytið að gestum sóttkvíarhótela væri frjálst að ljúka sóttkví annars staðar ef þeir gætu. Þeir báðu samt um að sóttkví væri engu að síður lokið í sóttvarnahúsum því það væri besta leiðin til að draga úr útbreiðslu kórónuveirunnar.

Lesa meira: Allt sem þú þarft að vita um sóttvarnahúsið og dómsmálið