Í tilkynningu Icelandair Group til kauphallarinnar sem birt var seint í dag kom fram að útgáfa og afhending 23.000 milljóna nýrra hluta í Icelandair Group hafi farið fram í gær. Fjöldi útgefinna hluta er nú um 28,5 milljarður. Hver hlutur er ein króna að nafnvirði og fylgir hverjum hlut eitt atkvæði á hluthafafundi.
Sjá nánar: Útskýrt á mannamáli – Hlutafjárútboð Icelandair
Athygli vekur að Landsbankinn sem er í ríkiseigu er stærsti hluthafinn. Að öðru leyti eru lífeyrissjóðir og annar ríkisbankinn, Íslandsbanki, fyrirferðamiklir á listanum. Samtals eiga 20 stærstu hluthafarnir 55,37% í félaginu. 20 stærstu hluthafarnir eftir hlutafjárútboðið eru:
Landsbankinn: 7,48%
Gildi – lífeyrissjóður: 6,61%
Íslandsbanki: 6,54%
LSR A-deild: 6,24%
Brú Lífeyrissjóður: 4,77%
Lífeyrissjóður verslunarmanna: 2,26%
Stefnir – ÍS15: 2,00%
Sólvöllur ehf.: 1,95%
Kvika banki: 1,95%
Par Investment Partners L.P.: 1,91%
Landsbréf – Úrvalsbréf: 1,89%
Arion banki: 1,82%
Stefnir ÍS5: 1,78%
Stefnir – Samval: 1,59%
Söfnunarsjóður lífeyrisréttinda: 1,40%
Birta lífeyrissjóður: 1,35%
Stapi lífeyrissjóður: 1,04%
Eftirlaunasjóður atvinnuflugmanna: 1,03%
Lífsverk lífeyrissjóður: 0,90%
Bóksal ehf.: 0,89%
