Khedr, egypska fjölskyldan sem mikið hefur verið í fjölmiðlum undanfarnar vikur hefur fengið dvalarleyfi á Íslandi á grundvelli mannúðarsjónarmiða. Frá þessu greinir Vísir. Kærunefnd útlendingamála féllst á sjónarmið fjölskyldunnar um endurupptöku máls þeirra fyrr í dag.

„Þau geta komið úr felum. Þetta mál er unnið. Krakkarnir geta farið aftur í skólann. Þetta eru gríðarlega góð tíðindi og nú heldur lífið áfram hjá þeim,“ segir Magnús G. Norðdal, lögmaður fjölskyldunnar í samtali við RÚV. Hann segir að fjölskyldan sé mjög þakklát öllum þeim sem hjálpuðu henni.

Magnús segir að nú geti fjölskyldan aftur farið að lifa sínu lífi og börnin farið aftur í skólann.

„Við búum í lýðræðisríki og það er eðlilegt að þegar almenningur tekur sig saman og sýnir samtakamátt með þessum hætti að það hafi áhrif. Ég tel að sá þrýstingur hafi skipt máli,“