Guðmunda Þorsteinsdóttir hefur ákveðið að flytja með fjölskyldu sína frá Grindavík vegna eineltis og hrottafengins ofbeldis sem 15 ára gamall sonur hennar verður ítrekað fyrir. Í myndbandi hér undir fréttinni gefur að líta viðurstyggilega árás sem sonur Guðmundu varð fyrir en DV hefur ritskoðað myndbandið svo ekki sést framan í aðila.
„Ég verð að bjarga syni mínu frá þessu,“ segir Guðmunda í samtali við vef Mannlífs. „Sonur minn er félagslyndur og á góða vini í Grindavík, sem hafa staðið með honum alla tíð. En það er annar hópur unglinga sem hefur lagt hann í einelti frá því að við fluttum heim,“ segir Guðmunda ennfremur.
Auk líkamlegs ofbeldi hefur sonur Guðmundu fengið yfir sig afar ógeðfelldar hótanir í rafrænu formi eins og meðfylgjandi myndir sýna.
„Ég er búin að vera leita eftir aðstoð hjá læknum, lögreglu, skóla og barnavernd en því miður þá hefur ekkert skilað sér árangri nema ör í sálina og að barnavernd gengur á eftir okkur út af vandamálum sem þau geta ekki leyst,“ segir Guðmunda í Facebook-færslu um málið. Fjölskyldan flutti til Grindavíkur, heimabæjar Guðmundur, árið 2016, eftir margra ára búsetu í Þýskalandi.
