Þann 25. maí verður næsta skref stigið í afléttingum á samkomubanni. Verður þá hámarksfjöldi einstaklinga á sama svæði hækkaður í 200. Sama dag verða nýjar útfærslur á tveggja metra reglunni kynntar.
Þetta kom fram á upplýsingafundi dagsins. Enginn greindist með kórónuveiruna hér á landi síðasta sólarhring og hafa aðeins fjórir greinst það sem af er maímánuði. Fjöldi sýna sem hafa verið tekin er 7.400. Virk smit í samfélaginu eru sex.
Þann 15. maí eru boðaðar tilslakanir varðandi komur inn í landið. Þá geta ferðamenn komið hingað án þess að fara í sóttkví og fara þess í stað í skimun sem framkvæmd verður á Keflavíkurflugvelli. Stýrihópur vinnur að framkvæmd þessara breytinga og eiga sóttvarnalæknir og Almannavarnir fulltrúa í hópnum.
