Hópurinn Líf án ofbeldis hefur sett myndina hér að neðan í dreifingu á samfélagsmiðlum:

Talið er að aukin heimavera vegna kórónuveirufaraldursins auki hættu á heimilisofbeldi og auki á einangrun kvenna sem búa við ofbeldi. Undanfarið hafa tvær konur látist, önnur í Sandgerði og hin Hafnarfirði, þar sem grunur leikur á að andlát hafi borið að höndum af mannavöldum. Tekið skal fram að ekki er hægt að fullyrða að slík sé raunin en lögregla rannsakar málin núna sem möguleg manndráp. Ennfremur er ekki hægt að fullyrða að atvikin séu hluti af þróun sem lýsi auknu heimilisofbeldi. Engu að síður eru atvikin mörgum áminning um að samfélagið verði að vera vakandi fyrir heimilisofbeldi – alltaf, en alveg sérstaklega núna á þeim sérstæðu og erfiðu tímum sem fara í hönd.

Við myndina birtir hópurinn eftirfarandi texta og upplýsingar um símanúmer fyrir þá sem búa við heimilisofbeldi:

Við hvetjum yfirvöld til að grípa til ráðstafana til að tryggja öryggi kvenna og barna sem lifa við ofbeldi á tímum sóttvarna og samkomubanns. Líf eru í húfi ❤️
Kvennaathvarfið 561 1205
Bjarmahlíð Akureyri 551 2520
Bjarkarhlíð Reykjavík 553 3000
Stígamót 562 6868 / 800 6868