Á fundi almannavarnadeild ríkislögreglustjóra í gær var óskað eftir því að heilbrigðisstarfsmenn úr bakvarðarsveit, sem hefðu tök á því að fara á heilbrigðisstofnun Vestfjarða gæfu sig fram vegna mikils álags á stofnunni í kjölfar hópsýkinga COVID-19.

Á fundinum í dag greindi Þórólfur Guðnason, sóttvarnarlæknir, frá því að fjöldi sjúkraliða hafi gefið sig fram og vanti því ekki fleiri, en hins vegar vanti enn hjúkrunarfræðinga.

Þeir hjúkrunarfræðingar í bakvarðarsveit sem tök hafa á því að fara Vestur eru beðnir um að hafa samband við heilbrigðisstofnun Vestfjarða á netfangið hvest@hvest.is

Uppfært: Áður hafði blaðamaður skrifað Vesturland, en rétt er að um er að ræða Vestfirði. Biðst blaðamaður velvirðingar á þessum mistökum.