Lögreglustjórinn á Suðurnesjum hefur til rannsóknar andlát í heimahúsi þar sem kona á sextugsaldri lést. Andlátið er rannsakað sem sakamál. Þetta kemur fram í tilkynningu frá lögreglu rétt í þessu.
Karlmaður á sextugsaldri hefur verið úrskurðaður í gæsluvarðhald vegna málsins til 8. apríl næstkomandi.
Samkvæmt tilkynningu er nú unnið að rannsókn málsins og ekki verða veittar frekari upplýsingar að svo stöddu.
Uppfært: 19:17
Samkvæmt frétt RÚV af málinu þá lést konan í heimahúsi í Sandgerði.