Smáforritið sem hefur verið hannað til að auðvelda smitrakningarteymi Landlæknis að rekja mögulegar smitleiðir kórónuveirunnar, verður að líkindum tilbúið til notkunar á morgun. Forritið mun byggja á svonefndu tvöföldu samþykki, sem felu í sér að notandi samþykkir fyrst að forritið skrái ferðir notanda með GPS kerfi og hins vegar síðara samþykki sem til kemur ef viðkomandi greinist með smit. Þá þarf notandi að veita smitrakningarteymi samþykki fyrir að fá upplýsingar frá forritinu.  Frá þessu greindi Alma D.  Möller Landlæknir á upplýsingafundi almannavarnarteymis ríkislögreglustjóra rétt í þessu.

Forritið verður betur kynnt á morgun en samkvæmt Ölmu hefur það þegar fengið vottun.

„Kerfið hefur þegar verið vottað af óháðum aðila varðandi öryggi“