Rétt fyrir klukkan tvö nú síðdegis var tilkynnt var um reyk frá íbúðarhúsi í nágrenni við Stokkseyri. Lögreglan á Suðurlandi greinir frá þessu.
Í tilkynningu segir: „Allt tiltækt slökkvilið frá Brunavörnum Árnessýslu fór á vettvang og er nú unnið að því að ná niðurlögum elds. Húsið var talið mannlaust þegar eldurinn kom upp og er búið að hafa samband við eiganda hússins.Engar frekari upplýsingar liggja fyrir um eldsupptök en enn er verið að vinna á vettvangi.“