Sýnatökupinnar frá stoðtækjaframleiðandanum Össuri, sem hafa verið í prófun hjá Íslenskri erfðagreiningu, virka ekki. Þetta kemur fram í frétt á RÚV.

Mjög hefur gengið á birgðir sýnatökupinna sem hefur valdið því að dregið hefur mjög úr sýnatökum vegna kórónuveirunnar á Veirufræðideild Landspítalans og þær hafa stöðvast í skimun Íslenskrar erfðagreiningar. Stoðtækjafyrirtækið Össur á um 20.000 pinna á lager og var kannað hvort þeir stæðust gæðakröfur svo hægt væri að nýta þá í sýnatökurnar. Gæðaúttekt á þessum pinnum leiðir hins vegar því miður í ljós að þeir virka ekki.

Núna er beðið eftir að sendingar af sýnatökupinnum að utan skili sér.