Þórunn Egilsdóttir, þingmaður Framsóknarflokksins, hefur greint frá því í opinni færslu að krabbamein sem hún virtist læknuð af hefur tekið sig upp aftur. Hefur það greinst í lifrinni og að sögn Þórunnar er lifrin illa farin.
Þórunn var lögð inn á Sjúkrahús Akureyri þann 22. desember og lyfjameðferð hófst á annan í jólum. Svo sannarlega voru jólin hjá þingmanninum því öðruvísi en hún hafði ráðgert. Þórunn stendur þó keik og segist eiga góða að í baráttunni. Pistill hennar ljómar af hugrekki, skapstyrk og kímni. Hún kallar krabbameinið Boðflennuna og segir:
Ágætu vinirÖllum að óvörum hefur Boðflennan skorað mig aftur á hólm. Ég taldi þessari glímu lokið. Hress og kát ætlaði ég að takast á við ögrand verkefni í vinnunni og njóta lífsins með fjölskyldunni.Nú er ljóst að verkefnin verða öðruvísi en alltaf er ég með mína þéttu fjölskyldu og vini með mér. Fyrir það er ég óendanlega þakklát.Landsmenn voru hvattir til að hafa jólin öðruvísi og það höfum við svo sannarlega gert. Við erum svolítið fyrir að taka þetta alla leið.
Ég var lögð inn á SAK 22. desember og dvel þar við einstaka umönnun hjá góðu fólki. Haukarnir hafa haldið til í íbúð á Akureyri þannig að við höfum getað átt indæl jól og verið öll saman.Krabbameinið hefur stungið sér í lifrina og hún er illa farin. Lyfjameðferð hófst 26. desember.Keik vil ég mæta þessu verkefni eins og öðrum. Læknunum treysti ég til að lækna mig og mitt er að sjá um að hafa hausinn rétt skrúfaðan og horfa fram á við.Líklega mun ég segja fréttir af mér í Sérverkefni Þórunnar, FB hópi sem ég stofnaði í fyrra. Það sem þar kemur fram er ekki ætlað til birtingar/deilingar. Bið ég fólk að virðaþað.Farið vel með ykkur og njótið lífsins.
https://www.facebook.com/permalink.php?story_fbid=3926844730693481&id=100001039797179
