fbpx
Þriðjudagur 19.janúar 2021
Fréttir

Leggja til að netsala á áfengi verið bönnuð með öllu

Ágúst Borgþór Sverrisson
Mánudaginn 23. nóvember 2020 16:00

Ekki missa af Helstu tíðindum dagsins í pósthólfið þitt

Lesa nánar

„Við lestur nýlegrar tillögu um breytingar á íslenskri áfengislöggjöf má sjá að mat á áhrifum á heilsu almennings er ófullkomið og að í tillögurnar vantar mikilvæga valkosti við stefnumótun í þessum málum,“ segir í grein eftir þá Kalle Dramstad og Emil Juslin sem birtist í Morgunblaðinu í dag. Kalle Dramstad er forstöðumaður Brussel-skrifstofu sænsku samtakanna IOGT-NTO. Emil Juslin er ráðgjafi í stefnumótun við Brussel-skrifstofu sænsku samtakanna IOGT-NTO.

Dómsmálaráðherra hefur kynnt frumvarp til breytinga á áfengislögum, sem felur í sér að sala áfengis yrði leyfð í vefverslunum og brugghúsum. Samkvæmt núgildandi löggjöf getur almenningur keypt áfengi erlendis frá í gegnum netið en ekki af innlendum aðilum öðrum en ÁTVR. Þeir Kalle og Emil leggja hins vegar til að hert verði á lögunum í stað þess að slaka á þeim, en fordæmi séu fyrir því frá hinum Norðurlöndunum að hægt sé að loka fyrir áfengissölu erlendis frá.

„Með því að heimila hagnaðardrifin sjónarmið einkaaðila við sölu áfengis verður einnig að gera ráð fyrir vel þekktum afleiðingum fyrir velsæld einstaklinga, fjölskyldna og samfélagsins í heild. Við vonumst til þess að íslenski dómsmálaráðherrann endurskoði og breyti tillögu sinni,“ segja greinarhöfundar sem vilja að lýðheilsusjónarmið vegi þyngra í lagabreytingum í þessum málaflokki.

Þá segir enn fremur í greininni:

„Í fyrsta lagi eru ein helstu rökin sem færð hafa verið fram fyrir að heimila netsölu og sölu á framleiðslustað þau að erlendir framleiðendur geti selt vörur sínar gegnum erlenda netsöluaðila, sem gerir samkeppnisstöðu íslenskra fyrirtækja erfiðari. Það eru til betri og hófsamari lausnir á þessu vandamáli: Með því að stöðva áfengissölu erlendra einkaaðila til Íslands væri hægt að ná því markmiði dómsmálaráðherra að jafna samkeppnisstöðuna, án þess að kosta til hinum neikvæðu áhrifum á heilsufar almennings.“

Þá benda höfundar á að Finnar hafi bannað netsölu áfengis árið 2018. Áfengiseinkasala hins opinbera eigi jafnmikið við í netheimum og raunheimum.

Höfundar segja mikilvægt að haldið sé í hömlur á áfengissölu sem hafi verið við lýði á Norðurlöndum og norræn stefna í áfengismálum sé sú árangursríkasta:

„Þegar á allt er litið eru norrænar hömlur á hagnaðarsjónarmiðumeinkaaðila við sölu áfengis almennttaldar vera meðal árangursríkustu aðferða við stefnumörkun í áfengismálum á heimsvísu. Margar ríkisstjórnir horfa öfundaraugum til þessarar stefnumörkunar sem skilvirkrar og neytendavænnar leiðar til að draga úr skaðsemi áfengis og þeim kostnaði sem áfengi veldur einstaklingum, fyrirtækjum og samfélaginu í heild sinni. Þessa stefnumörkun ætti að halda í heiðri og vernda.“

Höfundar hvetja dómsmálaráðherra til að hætta við áform um að leyfa sölu áfengis á netinu og á framleiðslustað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Hringdi 130 sinnum í neyðarlínuna og hrækti svo á lögreglumenn

Hringdi 130 sinnum í neyðarlínuna og hrækti svo á lögreglumenn
Fréttir
Í gær

Trump sagður ætla að náða 100 manns á morgun – Biden tekur við á miðvikudag

Trump sagður ætla að náða 100 manns á morgun – Biden tekur við á miðvikudag
Fréttir
Í gær

Nýtt myndband sýnir óeirðaseggina í þinginu fara með bæn í ræðustól Pence – „Amen“

Nýtt myndband sýnir óeirðaseggina í þinginu fara með bæn í ræðustól Pence – „Amen“
Fréttir
Í gær

Heiðurstengt ofbeldi á Íslandi – Heit kartafla sem fólk vill kannski ekki vita af

Heiðurstengt ofbeldi á Íslandi – Heit kartafla sem fólk vill kannski ekki vita af
Fréttir
Fyrir 2 dögum

Smitin á landamærum rjúka upp aftur en Víðir er bjartsýnn – „Af þessum 14 voru 12 íslenskar kennitölur“

Smitin á landamærum rjúka upp aftur en Víðir er bjartsýnn – „Af þessum 14 voru 12 íslenskar kennitölur“
Fréttir
Fyrir 2 dögum
Fimm líkamsárásir
Fréttir
Fyrir 3 dögum

Lögreglan á Vestfjörðum sendir frá sér tilkynningu – Vegfarendur björguðu konu og ungu barni út úr bílflakinu

Lögreglan á Vestfjörðum sendir frá sér tilkynningu – Vegfarendur björguðu konu og ungu barni út úr bílflakinu
Fréttir
Fyrir 3 dögum

Slysið í Ísafjarðardjúpi – Fjölskyldan er pólsk og allir undir læknishöndum

Slysið í Ísafjarðardjúpi – Fjölskyldan er pólsk og allir undir læknishöndum
Fréttir
Fyrir 3 dögum

Starfskona í Ráðherrabústaðnum sakar Jón Baldvin um áreitni og skemmdarverk

Starfskona í Ráðherrabústaðnum sakar Jón Baldvin um áreitni og skemmdarverk
Fréttir
Fyrir 3 dögum

Lögregla heimsótti spjaldtölvuþjóf

Lögregla heimsótti spjaldtölvuþjóf