fbpx
Fimmtudagur 26.nóvember 2020
Fréttir

Viðbrögð stjórnenda HG við Covid-smitum rannsakað sem sakamál – Forvarnarverðlaun útgerðarinnar höfð að háði á netinu

Heimir Hannesson
Mánudaginn 26. október 2020 12:25

mynd/samsett

Ekki missa af Helstu tíðindum dagsins í pósthólfið þitt

Lesa nánar

Árið 2013 hlaut Hraðfrystihúsið Gunnvör í Hnífsdal forvarnarverðlaun TM. Verðlaunin voru veitt þeim fyrirtækjum sem hafa skarað fram úr á sviði forvarna gegn óhöppum og slysum. Viðskiptablaðið sagði frá á sínum tíma.

Í tilkynningu frá TM á þeim tíma er haft eftir Einari Val Kristjánssyni, þáverandi og núverandi framkvæmdastjóra Hraðfrystihússins að starfsfólkið sé lykillinn að viðurkenningunni. Hefur Vb.is eftir Einari: „Lykillinn hjá okkur er fyrst og fremst lítil starfsmannavelta. Okkar starfsmenn halda vel utan um hlutina og hvern annan, t.d. eru þetta mikið til sömu mennirnir á skipunum okkar.“

Málið þykir einkar óheppilegt fyrir HG enda beinist nú töluverð gagnrýni að stjórnendum fyrirtækisins og gengur nú fréttin frá árinu 2013 manna á milli í netheimum með áföstum háðsglósum.
Eru útgerðin og skipstjóri Júlíusar Geirmundssonar, frystitogara HG, nú sakaðir um að hafa stefnt skipi sínu og áhöfn þess til veiða þrátt fyrir að stór hluti hennar sýndi einkenni Covid. Lýsti háseti Júlíusar Geirmundssonar í átakanlegu viðtali við RUV í síðustu viku aðstæðum um borð. Þar sagði hann að einn hafi smitast af öðrum og að erfitt hafi verið að horfa upp á þá veikustu. Þá hafði áður komið fram skammta þurfti verkalyf til veikra um borð þar sem þau voru af skornum skammti um borð í skipinu.

Lögreglan á Vestfjörðum skoðar nú málið og útilokar ekki að hafin verði sakamálarannsókn á hugsanlegum brotum útgerðarinnar og skipstjórans. Í lögum er skipstjóri gerður ábyrgur fyrir velferð áhafnar og varðar það við þau lög að koma sjúkum eða slösuðum áhafnarmeðlimum ekki til bjargar.

Í tilkynningu Samtaka fyrirtækja í sjávarútvegi í gær sem Fréttablaðið sagði frá sagði Heiðrún Lind Marteinsdóttir framkvæmdastjóri SFS að útgerðin yrði að axla ábyrgð á málinu og að það hefði skaðað samskipti sjómanna og útgerða um allt land. Samtökin ættu að þekkja vel til skipsins, því eins og Stundin sagði frá fyrr í dag eru myndskeið af skipinu notuð í kynningarmyndbandi SFS um samfélagsábyrgð.

 

Leiðrétting: Í fyrri útgáfu var haft eftir háseta um borð í Júlíusi Geirmundssyni að skammta hafi þurft verkjalyf. Hið rétta er að hásetinn sagði það ekki, heldur eiga þau orð sér annan uppruna. Hefur það verið leiðrétt.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 13 klukkutímum

Innbrotsþjófar á ferð – Handtekinn vegna brots á reglum um sóttkví

Innbrotsþjófar á ferð – Handtekinn vegna brots á reglum um sóttkví
Fréttir
Fyrir 20 klukkutímum

Bæklingur um „Græna planið“ kostaði borgina 10 milljónir – 9.6 tonn af pappír í kynningu á umhverfisvænu skipulagi

Bæklingur um „Græna planið“ kostaði borgina 10 milljónir – 9.6 tonn af pappír í kynningu á umhverfisvænu skipulagi
Fréttir
Fyrir 23 klukkutímum

Einar í Kastljósinu er alveg að gefast upp á þessu – „Orðinn óþreyjufullur“

Einar í Kastljósinu er alveg að gefast upp á þessu – „Orðinn óþreyjufullur“
Fréttir
Í gær

Óánægja meðal íbúa Langholtshverfis vegna konu á götuhorni – „Þessi kona er algjört fífl“

Óánægja meðal íbúa Langholtshverfis vegna konu á götuhorni – „Þessi kona er algjört fífl“