Heiðrún Helga Bjarnadóttir á Borgarnesi ætlaði að taka upp jólalag á myndband þegar skjálftinn reið yfir í dag. Á myndbandinu má vel sjá hvað jarðskjálftinn var kraftmikill.
Í samtali við DV segir hún að henni hefi verið nokkuð brugðið.
„Ég var alveg logandi hrædd en er búin að hlæja mikið að þessu video eftir á – þetta er eins og eitthvað úr áramótaskaupinu.“
Heiðrún Helga taldi jafnvel að verið væri að refsa henni fyrir að taka forskot á jólagleðina.
„Viðbrögð móður náttúru við því að fólk sé að góla jólalög í október.“
