fbpx
Sunnudagur 04.maí 2025
Fréttir

Þórólfur segir stöðuna viðkvæma: „Þarf bara eitt gott partý þar sem menn gleyma sér“

Erla Dóra Magnúsdóttir
Föstudaginn 2. október 2020 13:15

Þórólfur Guðnason, sóttvarnarlæknir

Ekki missa af Helstu tíðindum dagsins í pósthólfið þitt

Lesa nánar

Þórólfur Guðnason, sóttvarnarlæknir, vísar ásökunum um að sóttvarnaraðgerðir á Íslandi séu strangar beint til höfuðhúsanna. Þetta kom fram í Bítinu á Bylgjunni í morgun þar sem Þórólfur fór yfir stöðuna.

„Ég vísa því nú bara til föðurhúsanna að við séum að gera eitthvað miklu strangara en aðrir. Þetta hefur skilað árangri. Ef menn hafa sagt að þetta skili engum árangri þá held ég að menn ættu bara að horfa á staðreyndirnar í málinu,“ segir Þórólfur spurður út í meinta hörku í sóttvarnaraðgerðum á landamærum Íslands í samanburði við aðrar þjóðir.

Þórólfur bendir á að ef Ísland ætlaði að leika eftir allt það sem aðrar þjóðir gerðu þá yrði um töluverða ringulreið að ræða enda gífurlegur munur á aðgerðum eftir þjóðum. Hins vegar sé ljóst að aðgerðir á Íslandi séu ekki strangar, þá einkum hér innanlands.

„Við erum búin að finna rúmlega 120 mismunandi stofna á landamærunum sem við höfum komið í veg fyrir að komi inn í landið,“ segir Þórólfur og vísar í stofna kórónuveirunnar. En aðeins tveir stofnar eru að valda smitum hér innanlands og því ljóst að nokkuð vel hefur tekist til á landamærunum.

Hins vegar getur vel komið til þess að herða þurfi aðgerðir að nýju.

„Við erum alls ekki með strangar takmarkanir. Það gæti reyndar farið svo að ef að þetta fer úr böndunum hjá okkur þessi innanlandsfaraldur núna, ef við ráðum ekki við þetta með þeim aðgerðum sem við erum að gera núna eða ef veikindi verða meiri og alvarlegri en var fyrirséð og spítalakerfið er að lenda í vandræðum, þá gætum við þurft að herða meira. Allavega myndi ég koma með tillögur um slíkt ef færi að bera á því,“ segir Þórólfur.

Núverandi fyrirkomulag á skimunum við landamærin rennur út 6. október. Þórólfur kveðst leggja til við ríkisstjórnina að aðgerðum verði haldið áfram.

„Ég teldi það mjög óvarlegt að breyta, sérstaklega á þessari stundu“

Úti í samfélaginu hér heima hefur Þórólfi sýnst flestir standa sig vel og gæti vel að sér. Hins vegar þurfi lítið út af að bregða til að staðan versni.

„Þarf bara eitt gott partý þar sem menn gleyma sér“

Hins vegar hafi borið á því að einstaklingar sem finni fyrir veikindaeinkennum mæti til vinnu og frístunda. Eitthvað sem Þórólfur telur innbyggt í Íslendinginn, að harka af sér og væla ekki. Hann beinir því þeim skilaboðum til fólks að halda sig heima ef það finnur fyrir einkennum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Valdimar Leó rifti ráðningarsamningi við Virðingu og er ekki undir rannsókn Samkeppniseftirlitsins

Valdimar Leó rifti ráðningarsamningi við Virðingu og er ekki undir rannsókn Samkeppniseftirlitsins
Fréttir
Í gær

Boðað til mótmæla í Íslendingabyggðinni á Spáni – Ótrúlegur sóðaskapur

Boðað til mótmæla í Íslendingabyggðinni á Spáni – Ótrúlegur sóðaskapur
Fréttir
Fyrir 2 dögum

Brotaþoli hópnauðgunar í Vesturbæ stígur fram og gagnrýnir umræðuna um málið

Brotaþoli hópnauðgunar í Vesturbæ stígur fram og gagnrýnir umræðuna um málið
Fréttir
Fyrir 2 dögum

Snærós miðlar af reynslu sinni – „Ég ætla að kenna allt sem ég kann og það er töluvert get ég sagt ykkur“

Snærós miðlar af reynslu sinni – „Ég ætla að kenna allt sem ég kann og það er töluvert get ég sagt ykkur“
Fréttir
Fyrir 2 dögum

Siggi stormur veltir fyrir sér verðyfirlýsingum Bónus – „Einu sinni var talað um „hækkun í hafi““

Siggi stormur veltir fyrir sér verðyfirlýsingum Bónus – „Einu sinni var talað um „hækkun í hafi““
Fréttir
Fyrir 2 dögum

Segir margt kunnuglegt í áróðri SFS og minnir á hvernig fór fyrir Seyðisfirði – „Þetta er beinlínis siðlaus framsetning.“

Segir margt kunnuglegt í áróðri SFS og minnir á hvernig fór fyrir Seyðisfirði – „Þetta er beinlínis siðlaus framsetning.“
Fréttir
Fyrir 2 dögum

Kári hættur hjá Íslenskri erfðagreiningu

Kári hættur hjá Íslenskri erfðagreiningu