Ragna Birgisdóttir segir í samtali við DV að ef Hannes Hólmsteinn Gissurarson, prófessor og Sjálfstæðismaður, kæri hana þá bara geri hann það. Hún óttast ekki afleiðingar þess.
Í gær kveinkaði Hannes sér yfir ummælum sem Ragna lét falla á Facebook. Hún skrifaði: „Sjálfstæðisflokkurinn eru glæpasamtök“. Þessi ummæli virðast hafa sært Hannes því hann spyr: „Er þetta ekki hatursorðræða?“ Rétt er að taka fram að Ragna er einungis almennur borgari og ekki þjóðþekktur samfélagsrýnir.
Ragna segist hvergi víkja frá þessari skoðun. „Ég hef aldrei átt í samskiptum við Hannes neins staðar enda hef ég ekki áhuga á að munnhöggvast við manninn. Það breytir ekki skoðun minni að Sjálfstæðisflokkurinn er orðinn glæpasamtök enda verk þeirra sem sýna það hér í samfélaginu. Ef hann kærir mig þá bara gerir hann það,“ segir Ragna.
af hverju eru hægrimenn svo fkn viðkvæmir? pic.twitter.com/iSWzXhCwA3
— sveppi (@sveppalicious) January 25, 2020