Ísland vann stórgóðan sigur á Portúgal á EM í handbolta í dag, 28:25. Portúgalar hafa spilað frábærlega á mótinu og meðal annars lagt Frakka og Svía að velli. Þetta er því mjög góður sigur og Ísland komið á blað í milliriðli.
Íslendingar voru með yfirburði framan af leik og komust í 7-1. Portúgalar söxuðu á forskotið en staðan í hálfleik var 13:14 fyrir Ísland.
Síðari hálfleikurinn var jafn en Ísland hafði ávallt frumkvæðið.
Janus Daði Smárason var markhæstur með 8 mörk, Guðjón Valur, Alexander Peterson og Aron Pálmarsson skoruðu 5 mörk hver.
Björgvin Páll varði 12 skot í markinu og átti nokkuð góðan leik.
Framundan eru leikir gegn Norðmönnum og Svíum. Möguleiki á ólympíusæti er enn fyrir hendi.
Ísland leikur við Noreg á þriðjudag kl. 17:15.
