Sigríður Björk Guðjónsdóttir, lögreglustjóri Lögreglunnar á höfuðborgarsvæðinu, er meðal umsækjenda um stöðu ríkislögreglustjóra. Vísir greinir frá því rétt í þessu. Hún tilkynnti samstarfsfólki sínu ákvörðun sína með tölvupósti fyrir skömmu.

Sigríður er fyrst kvenna til að gegna embætti lögreglustjóra á höfuðborgarsvæðinu og hefur gegnt embættinu síðan árið 2014.

Telur Sigríður sig búa yfir víðtækri reynslu og þekkingu af störfum lögregluembætta landsins og sagði hún slíkt í áðurnefndum tölvupósti sem skýringu á því hvers vegna hún sótti um. Vill hún leggja krafta sína í að efla löggæslu landsins.

Ekki er búið að gefa út hverjir sóttu um emæbættið em umsóknarfrestur rann út í gær.