Enn eina vikuna létust fleiri í Englandi af völdum flensunnar og lungnabólgu en af völdum Covid-19. Þetta kemur fram í frétt The Sun um málið.
Samkvæmt umfjölluninni er þetta 14. vikan í röð sem árstíðabundna flensan dregur fleiri til dauða en Covid-19. Hefur the Sun eftir hagstofu Bretlandseyja að 14% skráðra dauðsfalla 38. viku hefði verið vegna flensunar og/eða lungnabólgu. Covid-19 olli aðeins 1.5% af skráðum dauðsföllum.
Þó, má búast við uppsveiflu á ný eftir tveggja vikna niðursveiflu. Talsverð aukning hefur orðið á greindum tilfellum í Bretlandi síðustu vikur og má búast við að sú aukning skili sér í fjölgun alvarlegra veikra sem svo aftur skilar fjölgun dauðsfalla af völdum Covid-19.
Ísland er nú á rauðum lista hjá Bretum vegna smita hér á landi. Samkvæmt reglum þar í landi fer land á rauðan lista þegar nýgengni smita fyrir hverja 100.000 íbúa fer yfir 20. Það er nú 135,3.
