Lögfræðiskrifstofan Logos hefur um árabil starfað mikið fyrir Björgólf Thor Björgólfsson fjárfesti og félags hans Novator. Logos hefur undanfarin ár veitt ráðgjöf við marga af eftirtektarverðustu samningum íslenskrar viðskiptasögu, svo sem yfirtöku Novator á Actavis, og er Logos er einnig með skrifstofu í London, líkt og Björgólfur sjálfur.
Athygli vekur að Helga Melkorka Óttarsdóttir hæstaréttarlögmaður, eigandi og stjórnarformaður lögfræðiskrifstofunnar Logos, er dóttir Óttars Yngvasonar, eiganda Haffjarðarár, sem ítrekað hefur vísað því frá að nokkuð óeðlilegt hafi átt sér stað í ánni þann 18. júní þegar Björgólfur var við veiðar ásamt fótboltastjörnunni David Beckham og leikstjóranum Guy Ritchie.
Sjá einnig: Sögusagnir um ósæmilega framkomu Björgólfs Thors sagðar rangar
