„Ambassador Gunter – BOOOO! We come for you – Icelandic Trölls.“ Þetta eru skilaboð sem óprúttnir háðfuglar skildu eftir við Miklubraut og víðsvegar í miðbænum þar síðustu nótt. Eru þeir eflaust að vísa til frétta af sendiherra Bandaríkjanna, sem í frétt CBS var sagður „vænissjúkur“ og að hann hafi viljað stórefla öryggisgæslu sína á meðan hann er hér á landi.
Er sendiherrann sagður hafa neitað að snúa til baka til Íslands á meðan Covid faraldurinn geisaði og þurfti að skipa honum að snúa aftur til starfsstöðvar hans. Enn fremur er hann sagður óttast um öryggi sitt hér á landi og sagður hafa viljað bera skotvopn, stunguvesti og fá brynvarðan bíl. Er bandaríska utanríkisráðuneytið sagt vera á milli steins og sleggju í málinu þar sem þau óttast að öryggiskröfur sendiherrans gætu móðgað gistiríkið, Ísland.
