Saga smálánastarfsemi á Íslandi spannar aðeins rúman áratug en á þeim tíma hefur margt gerst. Þrátt fyrir fögur fyrirheit stjórnmálamanna hefur lítið þokast. Smálánafyrirtækin hafa aðlagað sig hratt að þeim lögum sem hafa verið sett þeim til höfuðs og úr orðið farsakennt kapphlaup löggjafans og smálánafyrirtækja. Nú, 11 árum síðar, eru fyrirtækin enn starfandi og sömu nöfnin sjáanleg í eigendahópi nú og áður.
Ef vefsíður smálánafyrirtækjannan Kredia, Múla, 1909 og Hraðpeninga eru heimsóttar í dag vísa þær allar á enn eitt fyrirtækið, „Núnú lán“, til heimilis að Kalkofnsvegi 2 á Hafnartorgi í Reykjavík. Svo vill til að skrifstofa Torgs, sem meðal annars rekur DV, er einnig til heimilis að Kalkofnsvegi 2. Það var því hægðarleikur blaðamanns að komast að því að heimilisfangið er einungis enn ein skelin. Þar er enga fjármálastarfsemi að finna. Blaðamaður hringdi í þjónustuver Núnú láns, en sá sem svaraði gat engar upplýsingar veitt.
Eigandi 68% hlutar Núnú láns ehf. er Leifur Haraldsson, sami maður og kom fram fyrir hönd fyrsta íslenska smálánafyrirtækisins, Kredia ehf.
Ítarleg úttekt er á smálánastarfsemi í nýjasta helgarblaði DV.
Hægt er að kaupa áskrift hér: dv.is/skraning