Alvarleg veikindi hafa komið upp í fjölskyldu Svandísar Svavarsdóttur, heilbrigðisráðherra. Dóttir hennar greindist nýlega með heilaæxli sem reyndist vera krabbamein. Svandís greinir frá þessu á Facebook.
„Kæru vinir, nýlega greindist Una dóttir mín með heilaæxli sem reyndist vera krabbamein. Nú tekur við löng og ströng krabbameinsmeðferð. Mitt verkefni verður að styðja hana í því ferli ásamt fjölskyldu og vinum. Þetta er stærsta verkefni lífs míns.
Ég ætla, með hjálp samstarfsfólks og fjarfunda, að sinna áfram störfum heilbrigðisráðherra og mun skipuleggja mína vinnu á næstunni í samræmi við breyttar aðstæður.
Vísa má í þessa færslu en ég mun ekki fjalla meira um þetta mál opinberlega að svo stöddu.“
