Vísindamenn í Kína hafa fundið nýjan stofn af inflúensu sem hefur getu til að verða að heimsfaraldri. Frá þessu er sagt á vef BBC og RÚV. Inflúensan líkist svínaflensunni sem varð að heimsfaraldri árið 2009.

Inflúensan fannst í svínum en vísindamennirnir segja að hún geti valdið sýkingu í mönnum. Þeir hafa áhyggjur að inflúensan gæti stökkbreyst og að hún gæti dreifst auðveldlega mann frá manni og orðið að heimsfaraldri. Inflúensan hefur alla burði til að sýkja mannfólk en er ekki orðin að vandamáli. Þrátt fyrir það þarf að fylgjast vel með henni.

Verið er að skoða vírusinn, sem kallast A/H1N1pdm09, til að athuga hvort að bóluefni geti verndað mannfólk fyrir honum. Vírusinn getur vaxið og margfaldast í frumum í öndunarvegi mannfólks. Sýkingar hafa fundist í starfsfólki í sláturhúsum og í svínaiðnaðinum í Kína.

Kin-Chow Chang, kennari við Nottingham Háskóla í Bretlandi, segir að nú séu allir uppteknir af kórónavírus. „Við megum samt ekki missa sjónar á mögulegum hættulegum nýjum vírusum.“