Á níunda tímanum í gærkvöldi var tilkynnt um karlmann í annarlegu ástandi sem var að sparka í bifreiðar í miðborginni. Hann var handtekinn og fluttur á lögreglustöð þar sem kom í ljós að hann átti að vera í sóttkví. Maðurinn var vistaður í fangageymslu og var kærður fyrir brot á sóttvarnarlögum.
Á sjötta tímanum í gærdag var kona á fertugsaldri handtekin þar sem hún ók stolinni bifreið í hverfi 104 í Reykjavík. Hún er grunuð um að hafa verið undir áhrifum marga fíkniefna. Hald var lagt á ýmsar tegundir meintra fíkniefna sem konan var með í fórum sínum.
