Bjarni Ben var einn þeirra sem tístaði um fundinn en hann sagði það ekki vera tíðindi að kynin væru bæði við borðið í ákvarðanatöku.
„Fyrir þá sem ekki skilja að við erum sammála um að við ætlum saman að reka þetta samfélag, þá segi ég: Það eiga ekki að vera tíðindi að kynin séu bæði við borðið þegar ákvarðanir eru teknar. Vakniði. Þetta er 2019. Þetta eru ekki sýndarstjórnmál, þetta eru nútímastjórnmál.“
. Þessi ummæli Bjarna vöktu athygli á Twitter vegna þess að hann talaði um bæði kynin en fólk benti á að hann ætti frekar að tala um öll kynin.
Tinna Haraldsdóttir er ein þeirra sem bendir Bjarna á að það séu til fleiri en bara tvö kyn. Talað er um að kynin séu 32 talsins en þau gætu verið eða orðið fleiri enda getur kynvitund fólks verið jafn ólík og við erum mörg. Það að tala bara um tvö kyn er sagt vera svokölluð kynjatvíhyggja en það er hin hefðbundna hugmynd um að kyn takmarkist við möguleikana karl eða kona
*Öll kyn, það eru ekki bara tvö.
— Tinna, öfgafemínisti (@tinnaharalds) September 15, 2019
Halldór Auðar Svansson, fyrrverandi borgarfulltrúi Pírata, tístaði einnig um málið en hann sagði það ekki vera í samræmi við tilefnið að skamma Bjarna fyrir mistökin.
Ég er ekki alveg nógu woke til að skamma Bjarna Ben fyrir að tala um bæði kynin en ekki öll kynin í samhengi við kynjajafnrétti í pólitík. Benda á að það er þykir betra nú til dags að tala um öll kynin – ekkert að því. En að beinlínis skamma er ekki í samræmi við tilefnið.
— Halldór Auðar Svansson (@tharfagreinir) September 15, 2019
Hægt er að kynna sér kynjamálin betur á vefsíðum eins og Hinsegin frá Ö til A og í Hinsegin orðabók Áttavitans
