Paul Elsy, starfsmaður CCP, birti rétt í þessu myndir á Facebook af vægast sagt stórfurðulegu slysi út á Granda. Svo virðist sem ökumaður hafi misst stjórn á bíl sínum með sérkennilegum afleiðingum. Myndir af þessu má sjá hér fyrir neðan.
Paul telur að engin slys hafi orðið á fólki en líkt og sjá má á myndum er nú nokkur ringulreið á svæðinu. Hann segist hafa orðið vitni að slysinu og segist þó ekki átta sig á því hvernig það gat gerst.
„Svo virðist sem ökumaðurinn hafi ætlað að stoppa og leyfa fólki að fara yfir götuna. Hún virðist þó hafa ruglast á bensíngjöfinni og bremsunum. Svo fór hún bara eins og torfærubíll yfir kyrrstæðan bíl,“ segir Paul í samtali við DV.
