30.000 miðar ruku út þegar fyrri tónleikarnir voru settir í sölu. Ísleifur Þórhallsson, skipuleggjandi hjá Senu Live, sagði í samtali við Fréttablaðið að miðasala á seinni tónleikana sé búin að taka kipp. Enn eru þó lausir miðar á þá tónleika.
Það lítur út fyrir að allir hafi ákveðið að fara í röðina á sama tíma en röðin var um það bil 500 metra löng þegar blaðamaður fór á stúfana.
Það lítur út fyrir að það verði slegin einhver höfðatölumet yfir helgina, hvort sem það er fyrir lengstu röð miðað við höfðatölu eða bestu mætingu á tónleika miðað við höfðatölu.
Sjáðu myndir af röðinni hér fyrir neðan.