Aldraður ökumaður missti stjórn á brúnum Ford Focus um tíuleytið í morgun á gatnamótum Grensásvegar og Hæðargarðs með þeim afleiðingum að bíllinn lenti á þremur kyrrstæðum bílum. Bílarnir skemmdust mikið eins og myndir DV af vettvangi bera með sér.
Samkvæmt upplýsingum frá Guðbrandi Sigurðssyni, varðstjóra hjá umferðardeild lögreglunnar, var ökumaðurinn (ekki kemur fram hvort um karl eða konu er að ræða) fluttur á slysadeild til frekari skoðunar og aðhlynningar en sjáanlegir áverkar voru minniháttar.
Eigandi bílsins er kona á fimmtugsaldri en hún ók ekki bílnum. Vildi hún ekki gefa fjölmiðlum frekari upplýsingar um málið.
Ljósmyndari DV og blaðamaður voru fyrir tilviljun á vettvangi og tók ljósmyndari myndir.
Sjá einnig: Myndir frá ótrúlegum fjöldaárekstri í morgun
