Jón Ingi Gíslason, sem í fyrradag var dæmdur í Héraðsdómi Reykjavíkur í tveggja mánaða skilorðsbundið fangelsi og til greiðslu tæplega 20 milljóna króna sektar, er formaður Kennarafélags Reykjavíkur, sem er langstærsta félagið innan Félags grunnskólakennara, og starfandi grunnskólakennari.
Skattalagabrot Jóns Inga var framið árið 2009 en hann taldi ekki fram rílega 110 milljóna króna tekjur af uppgjöri á 44 framvirkum gjaldsmiðlasamningum sem gerðir voru við Glitni banka. Vangreiddur fjármagnstekjuskattur af þessum tekjum er rúmlega 11 milljónir króna.
Athygli vekur hvað mál Jóns Inga hefur dregist lengi en hann var fyrst ákærður af sérstökum saksóknara vorið 2013.
Félag grunnskólakennara vill ekki tjá sig um málið að svo stöddu þar sem það vissi ekki af dómnum fyrr en eftir frétt DV í hádeginu og þarf tíma til að melta tíðindin.
