Lögreglan á Suðurnesjum hefur á undanförnum dögum tekið nokkra ökumenn úr umferð vegna gruns um vímuefnaakstur. Einn þeirra var á ferðinni á vespu og sýndu niðurstöður sýnatöku jákvæða niðurstöðu á fíkniefnaneyslu. Þá ók hann sviptur ökuréttindum ævilangt.
Þetta kemur fram í skeyti frá lögreglunni á Suðurnesjum. Þar segir einnig af öðrum ökumanni sem var ekki með skráð ökuréttindi og hafði lögregla áður haft afskipti af honum vegna þess.
Þá segir lögregla að um tuttugu ökumenn hafi verið kærðir fyrir of hraðan akstur í umdæmi lögreglunnar á Suðurnesjum á síðustu dögum.
„Einn þeirra var jafnframt grunaður um ölvun við akstur og að framvísa fölsuðu ökuskírteini. Sá sem hraðast ók af þessum ökumönnum mældist á 143 km hraða þar sem hámarkshraði er 90 km á klukkustund. Þá voru skráningarnúmer fjarlægð af fáeinum bifreiðum sem voru ótryggðar eða óskoðaðar.