Tómas Jakob Sigurðsson, starfsmaður (eða fyrrverandi starfsmaður?) Gistiskýlisins við Lindargötu, ítrekar að honum hafi verið sagt upp störfum á föstudag. Það hafi Þór Gíslason, forstöðumaður Gistiskýlisins, gert í símtali. Þegar Tómas kallaði eftir skriflegri uppsögn sagði Þór honum að hann ætti að mæta til viðtals hjá Velferðarsviði kl. 8 á mánudag.
Í svari Velferðarsviðs til DV um þetta efni var staðhæft að Tómas hefði ekki verið rekinn og að frétt DV um þetta væri röng. Sjá hér
Upphaflega efnið snýst um umfjöllun DV um gistiskýlið við Lindargötu en Tómas fullyrðir að þar ríki ófremdarástand. Baldur Borgþórsson borgarfulltrúi tekur undir þetta og kallar húsið tifandi tímasprengju. Vandinn felist í því að þarna séu rekin neyslurými fyrir sprautufíkla sem geri vist annarra manna sem þurfi á gistiskýlinu að halda óbærilega. Sjá hér
Þessu neitar Velferðarsvið líka og Baldur Borgþórsson hefur kallað afstöðu kerfisins í málinu „súrrealíska“ og mótsagnakennda. Augljóst sé að þarna séu rekin neyslurými og starfsemin sé í raun ólögleg.
Tómas segist vera afar ósáttur við að vera vændur um lygar eins og svar Velferðarsviðs til DV feli í raun í sér.
