Um klukkan hálf fjögur í nótt var kona í gönguferð með hundinn sinn í Grafarvogi. Þá sá hún til manns sem henni fannst hegða sér grunsamlega. Hann hljóp í burtu er hann varð hennar var og ók síðan á brott. En honum lá svo mikið á að hann skildi lykla og fjarstýringu eftir. Fótspor mannsins voru rakin og virðist hann hafa verið að skoða í bifreiðar í hverfinu.
Sex ökumenn voru handteknir í gærkvöldi og nótt grunaðir um að vera undir áhrifum fíkniefna. Einn þeirra er grunaður um sölu/dreifingu fíkniefna og lyfja sem og að aka sviptur ökuréttindum. Þrír þeirra eru grunaðir um vörslu fíkniefna. Tveir reyndust ekki hafa öðlast ökuréttindi og tveir reyndust vera sviptir ökuréttindum.
