fbpx
Mánudagur 18.mars 2019

DV - Frjáls og óháður miðill

Fréttir

Margrét með hommafræðslu: „Kynlíf samkynhneigðra flokkast undir áhættukynlíf“

Ágúst Borgþór Sverrisson
Fimmtudaginn 21. febrúar 2019 14:50

Ekki missa af Helstu tíðindum dagsins í pósthólfið þitt

Lesa nánar

Ráðgjafarnefnd heilbrigðisráðuneytisins hefur nú lagt til að bann við blóðgjöfum samkynhneigðra karlmanna verði afnumið og þeim heimilt að gefa blóð eftir 12 mánaða skírlífi. Skírlífisákvæðið veldur nokkrum vonbrigðum hjá Samtökunum ’78 og framkvæmdastjóri samtakanna, Daníel Arnarsson, sagði í viðtali við Fréttablaðið að 12 mánaða kynlífsbindindi sé vonbrigði. Daníel segir:

„Við urðum fyrir fyrir smá vonbrigðum. Þetta tólf mánaða kynlífsbindindi er ekki eitthvað sem hugnast okkur. Þarna er verið að segja „Kynlíf ykkar er skítugt. Kynlíf ykkar gerir það að verkum að þið getið ekki gefið blóð“ og málið er að það er ekkert hugsað til karlmanna sem hafa til dæmis verið í sambandi í mörg ár, er það enn þá skítugt?“ 

Margrét Friðriksdóttir, frumkvöðlafræðingur og stjórnandi hins stóra FB-spjallhóps Stjórnmálaspjallið, leggur orð í belg um þetat og segir að Daníel skorti greinilega fræðslu um kynlíf samkynhneigðra. Margrét skrifar inn í Stjórnmálaspjallið:

„Þarf ekki að fræða þennan unga mann um það sem að flestir vita, að kynlíf samkynhneigðra karlmanna flokkast undir áhættukynlíf, það er ekkert nýtt á nálinni og alvarlegir kynsjúkdómar er fylgikvillinn, svo er talað um hinsegin fræðslu, þessar staðreyndir gætu verið hluti af henni ef hún verður að veruleika.“

Af þessu spretta líflegar umræður og einn netverji bendir á að gagnkynhneigðir stundi ekki síður áhættuhegðun í kynlífi en samkynhneigðir. Margrét svarar:

„Nei þvi miður þá eru samkynhneigðir karlar enþá að greinast mest með alvarlega kynsjúkdóma.“

Margrét teflir fram niðurstöðum rannsókna sem eiga að sýna að kynlíf samkynhneigðra karla sé áhættumeira en annarra hópa og henni er andmælt. Umræðunni er hvergi nærri lokið á þræðinum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 3 dögum

Hefur þú séð Lily ? – Rænt fyrir utan Super 1 á Hallveigarstíg

Hefur þú séð Lily ? – Rænt fyrir utan Super 1 á Hallveigarstíg
Fréttir
Fyrir 3 dögum

Skotárásin í Christchurch með augum pólítískra skopmyndateiknara

Skotárásin í Christchurch með augum pólítískra skopmyndateiknara