Ökumaður sem lögreglan á Suðurnesjum hafði afskipti af í vikunni vegna hraðaksturs mældist á 149 kílómetra hraða þar sem hámarkshraði er 90 kílómetrar á klukkustund.
Í skeyti frá lögreglu kemur fram að ökumannsins bíði 210 þúsund króna sekt og svipting ökuleyfis í einn mánuð.
„Nokkrir ökumenn til viðbótar voru kærðir fyrir hraðaakstur og fáeinir voru staðnir að því að virða ekki stöðvunarskyldu eða tala í síma án handfrjáls búnaðar,“ segir lögregla.
