Eldur kviknaði á kvennaklósetti Menntaskólans við Hamrahlíð fyrr í dag, en svo virðist vera að um íkveikju hafi verið að ræða. Þetta er haft eftir nemenda MH í samtali við blaðamann DV.
Útlit er fyrir að einhver hafi kveikt í klósettrúllu, með þeim afleiðingum að einn klósettbásinn stóð í ljósum logum.
Samkvæmt nemandanum kom mikill reykur út frá eldinum, sem olli einhverri hræðslu á meðan nemenda.
Nemandinn sagði einnig að upptök íkveikjunnar séu nú rannsökuð og að orðrómur sé á kreiki að drengir á fyrsta ári við skólann hafi staðið að verki.