fbpx
Miðvikudagur 12.ágúst 2020
Fréttir

Þorsteinn Már sagður hafa gefið fyrirmæli um mútugreiðslur – Málið rannsakað sem spilling

Ágúst Borgþór Sverrisson
Þriðjudaginn 12. nóvember 2019 20:30

Þorsteinn Már Baldvinsson, forstjóri Samherja.

Ekki missa af Helstu tíðindum dagsins í pósthólfið þitt

Lesa nánar

Því er haldið fram að útgerðarfélagið Samherji hafi greitt mörg hundruð milljónir króna í mútugreiðslur til embættistmanna og stjórnmálamanna í Namibíu til að komast yfir fiskveiðikvóta á gjöfulum fiskimiðum við stendur þessa Afríkuríkis. Fjallað er um þetta í nýjasta tölublaði Stundarinnar. RÚV og Stundin búa yfir gögnum frá Wikileaks sem eiga að sanna þetta. Kemur jafnframt fram í umfjöllun Kveiks og Stundarinnar að greiðslurnar hafi farið í gegnum aflandsfélög í eigu Samherja.

„Stofnun í Namibíu sem rannsakar spillingu, ACC (Anti Corruption Committee), er nú með málið inni á borði hjá sér til rannsóknar en mútugreiðslur til ráða- og stjórnmálamanna eru ólöglegar þar í landi rétt eins og á Íslandi. Efhahagsbrotadeild lögreglunnar í Namibíu er einnig að rannsaka málið,“ segir í grein Stundarinnar.

Þar er því einnig haldið fram að Þorsteinn Már Baldvinsson, forstjóri Samherja, hafi komið að skipulagningu mútugreiðslnanna og gefið fyrirmæli um þau. Múturnar eru sagðar vera dulbúnar sem ráðgjafargreiðslur.

Jóhannes Stefánsson, fyrrverandi starfsmaður Samherja í Namibíu, er uppljóstrari fjölmiðlanna í þessari umfjöllun. Hann segist hafa annast þessar greiðslur á tímabili en Samherji vék honum frá störfum og sakaði hann um misferli eftir að yfirvöld í Namibiíu hófu rannsókn á greiðslunum.

Í grein Stundarinnar er Samherji sagður hafa veitt um 500 000 tonn af makríl við strendur Namibiíu að verðmæti yfir 50 milljarða íslenskra króna.

„Svona virkar bara Samherji,“ segir Jóhannes í viðtali við Kveik og segist hafa fengið þau fyrirmæli að gera það sem þyrfti til að komast yfir kvóta og fól það meðal annars í því að bera frá á ráðamenn. Meðal annars var borið fé á sjávarútvegsráðherra Namibíu, að sögn Jóhannesar. Sem fyrr segir eru mútgreiðslur sagðar hafa verið dulbúnar sem ráðgjafargreiðslur.

„Ég gerði ekkert án hans aðkomu,“ sagði Jóhannes við Kveik er hann var spurður hvort hann hafi annast mútugreiðslur í samráði við Þorstein Má. Stundin hefur þetta eftir Jóhannesi um vinnubrögð Samherja: „Samherji svífst einskis við að komast í auðlindir þjóða með blekkingum og loforðum sem að þeir svíkja, með því markmiði að ná sem mestu út úr auðlindinni. Þeir hika ekki við að múta og brjóta lög til að taka sem mestan hagnað út úr landinu og skilja ekkert eftir, nema sviðna jörð og fjármuni í vösum spilltra aðila.“

Jóhannes lýsir Namibíu sem mjög arðrændu landi í viðtali við Kveik. Kvótarnir til Samherja séu gott dæmi um hvernig arður af auðlindum streymi úr landi á meðan alþýða landsins búi við ömurlegan húsakost og atvinnuleysi hjá ungu fólki sé 44%. Hann spyr hvernig forsvarsmenn Samherja geti sofið á nóttunni og sjálfur segir hann að framferði sitt fyrir hönd Samherja hafi valdið honum miklu hugarangri.

Mútugreiðslur eru ólöglegar bæði samkvæmt íslenskum og namibískum lögum. Í Namibíu geta viðurlög við þessu verið allt að fimm ára fangelsi.

Kveikur sat fyrir Þorsteini og reyndi árangurslaust að fá viðtal

Ekki fengust svör frá Þorsteini Má í umfjöllun Stundarinnar og RÚV en í yfirlýsingu sem Samherji sendi frá sér í gær kom fram að fyrirtækið hefur fengið lögfræðifyrirtæki til að gera rannsókn á starfsemi Samherja í Namibíu og muni forsvarsmenn fyrirtækisins ekki tjá sig um þessi mál fyrr en þeirri rannsókn sé lokið.  Kveikur reyndi margoft að fá viðtal við Þorstein Má vegna málsins en án árangurs.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Í gær

Víðir segir engan fót fyrir orðrómi um að virkt smit hafi verið rakið til vændiskonu

Víðir segir engan fót fyrir orðrómi um að virkt smit hafi verið rakið til vændiskonu
Fréttir
Í gær

Vendingar í máli arnarstuldsins fyrir austan

Vendingar í máli arnarstuldsins fyrir austan
Fréttir
Í gær

Engin innanlandssmit í gær – Þrjú við landamærin

Engin innanlandssmit í gær – Þrjú við landamærin
Fréttir
Í gær

46 grunnskólakennarar í nánu samneyti á golfmóti – „Reyndum eins og við gátum að halda 2ja metra reglunni“

46 grunnskólakennarar í nánu samneyti á golfmóti – „Reyndum eins og við gátum að halda 2ja metra reglunni“
Fréttir
Í gær

Ná sér ekki af eftirköstum COVID-19 og reyna að komast í endurhæfingu á Reykjalundi

Ná sér ekki af eftirköstum COVID-19 og reyna að komast í endurhæfingu á Reykjalundi
Fréttir
Í gær

Norðmenn vilja gefa Íslandi rauða spjaldið

Norðmenn vilja gefa Íslandi rauða spjaldið
Fréttir
Fyrir 2 dögum

Þórólfur er ósammála Kára og vill ekki loka landinu – „„Við erum að fara í aðra vegferð núna“

Þórólfur er ósammála Kára og vill ekki loka landinu – „„Við erum að fara í aðra vegferð núna“
Fréttir
Fyrir 2 dögum

Stefnir í eins metra reglu í skólum og leyfðan fótbolta

Stefnir í eins metra reglu í skólum og leyfðan fótbolta