Einar A. Sæmundsen þjóðgarðsvörður segir að það sé í verkahring landvarða að sjá um afhendingu á kirkjunni þegar hún er í útleigu. Einnig er það í þeirra verkahring að fylgjast með því að farið sé eftir reglum þegar athafnir eru í gangi.
Kirkjan hafði verið skreytt óvenju mikið í þessu brúðkaupi en kertum var dreift um hana alla. Þá rak einn gestanna sig í skreytingu með þeim afleiðingum að eldur kviknaði í fatnaði hans. Meiðsli voru þó ekki alvarleg en þetta var góð áminning um að varlega skuli fara með kerti og skreytingar í timburkirkjum sem þessari.
Nefndin mun funda saman í vikunni til að ræða málið. Takmarka á meðferð kerta umfram þau sem tilheyra altarinu í kirkjunni. Auk þess munu útskýringar á mikilvægi eldvarna vera meiri til þeirra sem leigja kirkjuna og eldfimar skreytingar verða takmarkaðar. Þá munu raflagnir og eldvarnir í kirkjunni vera yfirfarðar svo hægt sé að koma í veg fyrir að tjón verði ef eldur kemst aftur upp í kirkjunni.