Alvarlegt vinnuslys varð í Hafnarfirði á áttunda tímanum í morgun þegar maður klemmdist á milli bílhræs og vinnuvélar. Þetta kemur fram á vef Fréttablaðsins, en þar segir að slysið hafi orðið hjá endurvinnslufyrirtækinu Furu.
Viðbragðsaðilar voru með mikinn viðbúnað á staðnum vegna slyssins. Ekki er vitað um líðan mannsins, að því er segir á vef Fréttablaðsins.