Samkvæmt taílenskum fjölmiðlum fannst 73 ára Íslendingur látinn í sundlaug hótels í Pattaya þar í landi. Talið er að hann hafi dáið fjórum tímum áður en hann fannst í sundlauginni.
Fjölmiðlar í Taílandi taka sérstaklega fram að hann hafi látist á afmælisdag sínum.
Engin merki voru um átök samkvæmt taílenskum fjölmiðlum. Maðurinn er sagður hafa gist einn á umræddu hóteli. Athygli vekur að taílenskir fjölmiðlar birta mynd af líkinu enn í sundlauginni.
Maðurinn sem lést reyndist vera Íri en ekki Íslendingur. Rangar upplýsingar voru birtar í tælenska fjölmiðlinum um þetta en þær hafa nú verið leiðréttar.
