Ungur maður framdi fyrir stuttu sjálfsvíg á vistheimilinu Krýsuvík. Harmleikurinn átti sér stað á sunnudegi, en um helgar eru vistmenn skyldir einir eftir, langt frá öðrum mannabyggðum. Þar af leiðandi hafði þessi ungi maður engan aðgang að sérfræðingum. Þar að auki var umtalað andlát ekki tilkynnt til landlæknisembættisins, né Félagsmálaráðuneytisins. Hringbraut greinir frá málinu.
DV hefur mikið fjallað um aðstæður í Krýsuvík undanfarin ár. Sem dæmi hefur verið fjallað um óeðlileg samskipti og ástarsambönd á milli starfsmanna og skjólstæðinga.
Alvarlegasta gagnrýnin sem Krýsuvík fékk á sig var þó líklega varðandi það að engin starfsmaður væri eftir klukkan fjögur á daginn og engin um helgar, en Krýsuvík fékk falleinkunn frá Landlæknisembættinu.
Samkvæmt frétt Hringbrautar var maðurinn nýkominn úr bæjarleyfi, áður en hann framdi sjálfsvíg. Þessi bæjarleyfi geta oft reynst vistmönnum mjög erfið, en líkt og áður kom fram þá gat maðurinn ekki leitað sér aðstoðar þar sem að engin sérfræðingur var starfandi.