Bílanaust er gjaldþrota, á fundi í morgun voru starfsmenn sendir heim og var verslununum lokað í kjölfarið. Bjarki Jakobsson, verslunarstjóri Bílanausts að Dvergshöfða, sagði samtali við mbl að starfsfólki hefði verið brugðið:
„Það eru allir bara að fara heim og starfslok hjá öllum starfsmönnum,“ sagði Bjarki.
Bílanaust á sér langa sögu, allt frá árinu 1962. Lárus Blöndal Sigurðsson og meðfjárfestar keyptu Bílanaust af N1 árið 2013, Lárus á nú 7,7% hlut. Eggert Árni Gíslason, stjórnarformaður Bílanausts, sagði í samtali við mbl að reksturinn hafi gengið illa um langt skeið. Arion banki hafnaði tillögu um skuldauppgjör og gekk að veðum.